Khubi se Tabahi

Khubi woh chez hai jis par insan khud aitmad krta hai, jis ki waja se dosray log us ki zaat par bharosa karte hein, liken rafta rafta yeh khubi us ki asli achaiun ko khane lagti hai, us ki khubi ki waja se us mein takabur paida hojata hai aur phr rafta rafta usi khubi ke bais woh shaks insaniat se girne lagta hai.

Fard….. Qaumein… Sab apni khubiun ki waja se tabah hoti hein.

Advertisements

Muhabbat ka Tauq

Azadi akeli admi ka safar hai, Rasi tor kr sar pat bhagne ka amal hai. Muhabbat apni marzi se khule pinjare mein totay ki tarah bethe rehne ki silahiat hai. Muhabat us ghulami ka tauq(necklace) hai ju insan khud apne ikhtiar se apnay galay mein dalta hai. Yeh ahad(promise) peeri mureedi ka nahi ke murshad manwaye aur salik manane ke muqam par ho. Yeh zamana shadi ka bhe nahi ke shadi mein bhi qadam qadam par apni marzi ko qurban krna parta hai. Hazrat IBRAHIM(A.S) jis tarah apne bête ko qurban karne par razi rahe yeh muhabat ki azeem tar misal hai.

Muhabbat mein zati azadi ko talab karna ‘shirk’ hai, kuke aik waqt mein do afrad se muhabat nahi ki jasakti, mehboob se bhe aur apne aap se bhe.

Muhabbat ghulami ka amal hai aur azad log ghulam nahi hosakte.